Դեբետային քարտեր Հայաստանում նկարագրություն և խորհուրդներ

Ինչ՞ է դեբետային քարտը և ինչու՞ է այն անհրաժեշտ

Դեբետային քարտը բանկային քարտ է, որի միջոցով դուք կարող եք իրականացնել անկանխիկ գնումներ, վճարումներ և այլ ֆինանսական փոխանցումներ:

Դեբետային քարտը կապված է հաշվեհամարի հետ, որտեղ պահվում են ձեր միջոցները: Դրա միջոցով դուք կարող եք գումար կանխիկացնել բանկոմատներից կամ վճարել ապրանքների և ծառայությունների համար՝չգերազանցելով հաշվի մնացորդը:

Ի տարբերություն քարտի, հաշվեհամարը չունի ժամկետ: Երբ քարտի ժամկետը լրանում է, այն վերաթողարկվում է՝ պահպանելով հաշվեհամարը քարտի տվյալները թարմացվում են:

Ինչպիսի՞ դեբետային քարտեր են լինում

Հայաստանում տարբերում են պլաստիկ և թվային դեբետային քարտեր: Վերջինը իրենից ներկայացնում է քարտ առանց ֆիզիկական կրիչի: Այն ունի նույն գործառույթները, ինչ պլաստիկ քարտը:

Պլաստիկ քարտերը կարող են լինել անհատական (անհատականացված) և ոչ անհատական (չանհատականացված): Ոչ անհատական դեբետային քարտերը հարմար են, եթե անհրաժեշտ է այն ստանալ շատ արագ, քանի որ դրանք չեն պարունակում ձեր անձնական տվյալները: Սակայն հաշվի առեք, որ ոչ անհատական բանկային քարտերով ծառայությունների և վճարումների համար կան սահմանափակումներ: Անվանական քարտերը չունեն նման սահմանափակումներ:

Հայաստանի բանկերը առաջարկում են հետևյալ տեսակի քարտեր՝

• Ուսանողական քարտ․  

  նախատեսված է կրթաթոշակի փոխանցման համար և այն չի տարբերվում սովորական բանկային քարտից: Ընդ որում, այս քարտը կարող է ունենալ տարբեր արտոնություններ ուսանողների համար:

• Աշխատավարձային քարտ․  

  նախատեսված է ձեր աշխատավարձի փոխանցման համար և տրվում է բանկի և այն կազմակերպության միջև կնքված պայմանագրով, որտեղ դուք աշխատում եք: Հայաստանում որոշ բանկեր աշխատավարձային հաճախորդներին առաջարկում են տարբեր զեղչեր ֆինանսական ծառայությունների համար:

• Թոշակային քարտ․  

  նախատեսված է կենսաթոշակային և այլ սոցիալական վճարումների համար: Հաճախ Հայաստանի բանկերը առաջարկում են թոշակային քարտեր առանց տարեկան սպասարկման վճարի:

• Բազմարժութային քարտ․  

  տարբեր արժույթային հաշիվներով բանկային քարտ է: Սա հարմար է, եթե ձեր դրամական միջոցները կենտրոնացված չեն մեկ արժույթում: Բազմարժութային քարտերը թույլ են տալիս խուսափել փոխարկման միջնորդավճարներից գործարքներ կատարելու ժամանակ, ինչպես նաև պաշտպանում են ձեր միջոցները արտարժույթի փոխարժեքի տատանումներից: Այն հարմար է միջազգային գործարքներ կատարելու համար, օրինակ օտարերկրյա կայքերում գնումներ կատարելու կամ ճանապարհորդելու համար:

Ինչ՞ է քարտի վճարային համակարգը

Բանկային քարտը կապված է որոշակի վճարային համակարգի հետ: Հայաստանում բանկերը առաջարկում են քարտեր հետևյալ վճարային համակարգերով՝ ArCa, Visa, MasterCard, American Express, UnionPay և Diners Club:

Ինչ՞ են քարտերի դասերը

Բանկային քարտերը բաժանվում են երեք դասի՝ ստանդարտ, ոսկյա և պրեմիում: Յուրաքանչյուր դաս տարբերվում է գործառույթների և լրացուցիչ արտոնությունների փաթեթով, որոնք դուք ստանում եք: Պրեմիում դասի քարտապաններին Հայաստանի բանկերը առաջարկում են արտոնություններ ինչպիսիք են՝ զեղչե բանկային ծառայությունների համար, օդանավակայանի բիզնես սրահներին մուտք գործելու հնարավորություն և այլն:

Ինչպես՞ ձևակերպել դեբետային քարտ Հայաստանում

Հայաստանում դեբետային քարտ ստանալու համար դուք պետք է այցելեք բանկի մասնաճյուղ՝ ունենալով անձը հաստատող փաստաթուղթ և սոցիալական քարտ: Երբեմն կարող են պահանջվել լրացուցիչ փաստաթղթեր: Օրինակ՝ աշխատավարձի քարտ ստանալու համար Հայաստանում պահանջվում է աշխատանքային պայմանագիր և եկամուտները հավաստիացնող փաստաթուղթ:

Ինչպես՞ փակել դեբետային քարտը

Շատ կարևոր է ճիշտ փակել դեբետային քարտը՝ պարզապես դրա արգելափակումը բավարար չէ: Եթե դուք չեք օգտագործում ձեր բանկային քարտը, բայց այն չեք փակել, ապա բանկը շարունակելու է գանձել քարտի տարեկան սպասարկման վճարը: Այդ իսկ պատճառով որպեսզի խուսափեք լրացուցիչ ծախսերից, դուք պետք է դիմեք բանկ՝ քարտը և դրա հետ կապված հաշիվը փակելու հայտով: