Ավանդներ Հայաստանում

Ի՞նչ է ավանդը, և ինչի՞ համար է այն նախատեսված

Ավանդը բանկային պրոդուկտ է, որը թույլ է տալիս ներդնել գումար՝ տոկոսագումարների դիմաց, ինչը հնարավորություն է տալիս կուտակել և ավելացնել ձեր դրամական միջոցները:

Ինչպե՞ս ընտրել ավանդ, և ի՞նչ պետք է հաշվի առնել

Ավանդ ընտրելիս անհրաժեշտ է հաշվի առնել մի քանի հիմնական առանձնահատկություններ՝

• ավանդի արժույթը
• տոկոսադրույքը
• տոկոսագումարների վճարման հաճախականությունը
• տոկոսների կապիտալացումը
• ավանդի ժամկետը
• հասանելի այլ հնարավորությունները

Հայաստանում ավանդի արժույթն ընտրելիս հաշվի՛ առեք, որ ազգային արժույթով ավանդները ունեն ավելի բարձր տոկոսադրույքներ և ավելի շահավետ պայմաններ, քան արտարժույթով ավանդները: Հայաստանի բանկերը առաջարկում են ավանդներ դրամով, դոլարով, եվրոյով և ռուբլով:

Թվում է, թե ավելի բարձր տոկոսադրույքը նշանակում է ավելի շատ գումար ավանդի մարման ժամանակ, բայց շատ հայաստանյան բանկեր, որոնք առաջարկում են բարձր տոկոսադրույք, նշում են նաև միջնորդավճարներ կամ այլ հնարավորությունների սահմանափակումներ: Այդ պատճառով տոկոսադրույքը կարևոր, սակայն ոչ վճռորոշ չափանիշ է՝ առավել շահավետ ավանդն ընտրելու հարցում:

Տոկոսագումարների վճարման պարբերականությունն ավանդի ընտրության կարևոր չափանիշներից մեկն է, ըստ որի կարող եք ընտրել ավանդը: Որպես կանոն, տոկոսագումարները վճարվում են ժամկետի սկզբում, ամսական, եռամսյակային, տարեկան կամ ավանդի ավարտին: Հայաստանի բանկերն առաջարկում են տոկոսների վճարման մի քանի տարբերակ ըստ հաճախորդի ընտրության: Բայց հհաշվի՛ առեք, որ դա կարող է փոխկապակցված լինել նաև այլ պայմանների հետ, օրինակ՝ տոկոսադրույքի, ժամկետի կամ ավանդի նվազագույն գումարի հետ:

Մտածե՛ք նաև տոկոսների կապիտալացման հնարավորության մասին: Այլ կերպ ասած՝ համոզվե՛ք, որ նախորդ ամսվա հաշվեգրված տոկոսները գումարվում են ձեր ավանդի հիմնական գումարին:

Ավանդի ժամկետը ևս. Ավանդի ժամկետը ևս կարևոր է, քանի որ երկարաժամկետ ավանդների համար Հայաստանի բանկերն ավելի շահավետ պայմաններ են առաջարկում, քան կարճաժամկետ ավանդների համար: Հաշվի՛ առեք նաև, որ ավանդի վաղաժամկետ դադարեցման դեպքում դուք կարող եք կորցնել հաշվեգրված տոկոսները, ուստի պետք է ուշադիր ընտրել ավանդի ժամկետը և խուսափել պայմանագրի խզումից:

Ավանդների հիմնական ֆունկցիաներ․ Ավանդներն ունեն մի քանի հիմնական առանձնահատկություններ, ըստ որոնց բաժանվում են համապատասխան տեսակների: Այսպես, ավանդները կարող են ունենալ համալրման կամ մասնակի նվազեցման հնարավորություն: Ավանդի ճիշտ ընտրությունը կախված է ձեր նպատակներից։ Կուտակային ավանդի համար լավագույն տարբերակը համալրման հնարավորությամբ և առանց մասնակի նվազեցման հնարավորության ավանդն է։ Այս կամ այն հնարավորության առկայությունն ազդում է ավանդի պայմանների վրա: Որոշ բանկեր առաջարկում են բարձր տոկոսադրույք, սակայն ոչ այնքան ճկուն պայմաններ,իսկ մյուսները՝ միջին տոկոսադրույքով, սակայն համալրման և նվազեցման ավելի ճկուն պայմաններով ավանդներ:

Ինչպե՞ս ստանալ ավանդի տոկոսագումարները

Ավանդ ներդնելիս կարող եք ընտրել տոկոսագումարների ստացման առավել հարմար եղանակը

• կանխիկ տարբերակով բանկի մասնաճյուղում;
• բանկային քարտին փոխանցումով
• բանկային հաշվին փոխանցումով

Հաշվի՛ առեք, որ որոշ բանկեր Հայաստանում չեն թույլատրում փոխել տոկոսագումարների վճարման եղանակն ավանդի ժամկետի ընթացքում, ուստի ընտրությունը կատարե՛ք մտածված:

Ի՞նչ փաստաթղթեր են անհրաժեշտ՝ Հայաստանում ավանդ ներդնելու համար

Հայաստանի բանկերն առաջարկում են ավանդներ ինչպես ռեզիդենտների, այնպես էլ ոչ ռեզիդենտների համար:

Եթե դուք ռեզիդենտ եք, ապա ավանդ ներդնելու համար անհրաժեշտ է ներկայացնել անձնագրի և սոցիալական քարտի պատճեններ:

Եթե դուք ոչ ռեզիդենտ եք, ապա անձնագրից բացի՝, բանկը կարող է պահանջել եկամուտը հաստատող փաստաթուղթ և գրանցման կամ այլ փաստաթղթեր: