Ինչպե՞ս կարող են Ռուսաստանի քաղաքացիները հաշվեհամար բացել հայկական բանկում 2025-ին
Թարմ լուրեր
Ինչպե՞ս ստանալ ուսանողական վարկ Հայաստանում
Ի՞նչ է ուսանողական վարկը
Ինչպե՞ս ճիշտ վերաֆինանսավորել վարկը, որպեսզի գումար խնայեք
Ո՞ր բանկերն են տրամադրում առցանց վարկեր
Ի՞նչ է վարկի արդյունավետ տոկոսադրույքը
Ինչպե՞ս օգտվել կրեդիտային քարտից առանց տոկոսներ վճարելու
Հեղինակ
Աղբյուր
AFMԹեմա
Ոչ ռեզիդենտներ, Acba Bank, Ameriabank, AMIO Bank, Araratbank, Ardshinbank, Artsakhbank, Byblos Bank Armenia, Evocabank, Inecobank, Converse Bank, Armeconombank, Mellat Bank, Unibank, VTB Bank, Fast Bank
Եթե ցանկանում եք դառնալ հայաստանյան բանկի հաճախորդ՝ հետագայում քարտ ստանալու, ավանդ ձևակերպելու, վարկ վերցնելու կամ փոխանցում կատարելու համար, առաջին քայլը պետք է լինի ՀՀ դրամով հաշվեհամար բացելը։ Եթե Հայաստանի քաղաքացի չեք, ապա գրեթե բոլոր դեպքերում համարվելու եք ոչ ռեզիդենտ: Դա նշանակում է, որ բանկն օրենքով կարող է միջնորդավճար գանձել նույնիսկ ընթացիկ հաշվեհամարի բացման և սպասարկման համար։ Բացի այդ, ոչ ռեզիդենտները պետք է պատրաստ լինեն ներկայացնել սոցիալական քարտ և գրանցման բնակության հասցե կամ վարձակալության պայմանագիր։
Մենք տեղեկություններ ենք հավաքել Հայաստանի բոլոր բանկերում հաշվեհամար բացելու, դրանց սպասարկման և միջնորդավճարների մասին։ Ձեր հարմարության համար դասակարգել ենք բանկերն անվճարներից մինչև ամենաթանկ տարբերակները։
Տվյալները համապատասխանեցնում են 2025 թ․ երկրորդ եռամսյակին․ բանկերը կարող են փոփոխել իրենց սակագները։
Fast bank
Հաշվի բացումը անվճար է, ինչպես նաև դրա սպասարկումը։ Սա միակ բանկն է, որը սպասարկում է Հայաստանի ոչ ռեզիդենտներին անվճար։
Evocabank
Հաշվի բացումը անվճար է, սակայն տարեկան սպասարկման միջնորդավճարը կազմում է 10 000 ՀՀ դրամ։
Araratbank
Նույնպես անվճար կբացի ձեզ համար հաշիվ, սակայն սպասարկման համար կվճարեք 10 000 ՀՀ դրամ։
Converse Bank
Այս բանկում կարող եք անվճար հաշիվ բացել, սակայն տարեկան սպասարկումը կարժենա 12 000 ՀՀ դրամ։
AMIO bank
Ցուցակում վերջին բանկն է, որտեղ հաշիվը բացվում է անվճար, սակայն գործում է 15 000 ՀՀ դրամ սպասարկման միջնորդավճար։
Byblos bank
Այս բանկում հաշիվը կբացվի 5 000 ՀՀ դրամով, իսկ սպասարկումը կարժենա ամսական 200 ՀՀ դրամ։
IDBank
Բանկը հաշիվ է բացում Ռուսաստանի քաղաքացիների համար 10 000 ՀՀ դրամով և լրացուցիչ գանձում է 12 000 ՀՀ դրամ տարեկան սպասարկման համար։
Artsakhbank
Հաշվի բացումը կարժենա 10 000 ՀՀ դրամ, իսկ սպասարկումը՝ յուրաքանչյուր 3 ամսվա համար 300 ՀՀ դրամ։
VTB bank
Հաշիվ բացել կարելի է 10 000 ՀՀ դրամով, և նույնքան կվճարեք տարեկան սպասարկման համար։
Acba bank
Բանկը հաշիվ է բացում Ռուսաստանի քաղաքացիների համար 15 000 ՀՀ դրամով, իսկ սպասարկման համար գանձում է ամսական 300 ՀՀ դրամ։
Ardshinbank
Հաշվի բացումը կարժենա 15 000 ՀՀ դրամ, սակայն դրա սպասարկումը կլինի անվճար։
Mellat bank
Այս բանկը նույնպես հաշիվ է բացում 15 000 ՀՀ դրամով և չի գանձում միջնորդավճարներ սպասարկման համար։ Կա մի կարևոր պայման․ ձեր հաշվին պարտադիր պետք է պահպանվի առնվազն 10 000 ՀՀ դրամ մնացորդ, սակայն հաշիվը փակելուց հետո այն գումարը ձեզ վերադարձվում է։
Ameriabank
Հաշվի բացման համար սահմանված է ամենաբարձր միջնորդավճարներից մեկը՝ 20 000 ՀՀ դրամ, ինչպես նաև հավելյալ 3 000 ՀՀ դրամ սպասարկման համար։ Բանկը դիմումը դիտարկում է անհատապես և կարող է մերժել հաշվի բացումը։
Unibank
Նույնպես բացում է հաշիվ 20 000 ՀՀ դրամով, սակայն սպասարկումը անվճար է։
Inecobank
Հաշվի բացումը կազմում է 25 000 ՀՀ դրամ, սակայն տարեկան սպասարկման համար միջնորդավճար չի գանձվում։
Armeconombank
Այս բանկում սահմանված է հաշվի բացման համար ամենաբարձր միջնորդավճարը՝ 50 000 ՀՀ դրամ, սակայն սպասարկումն անվճար է։
Այժմ արդեն պատկերացում ունեք, թե ինչ ծախսեր են հնարավոր, եթե ցանկանում եք բացել հաշիվ հայկական բանկում։ Հարկ է նշել, որ այս միջնորդավճարները վերաբերում են միայն հաշվին։ Եթե բացեք, օրինակ, դեբետային քարտ, ապա դրա սակագներն առանձին են։
AFM-ը հարթակ է, որի միջոցով կարող եք գտնել ոչ միայն հաշվին վերաբերող տեղեկություններ, այլև այլ ֆինանսական ծառայություններ Հայաստանում։ Օգտվեք AFM-ից՝ տեղեկացված լինելու Հայաստանի բոլոր բանկային պրոդուկտների մասին և կարդացեք մեր հոդվածները։
