Ավանդներ Հայաստանում Ամփոփում և խորհուրդներ

Ի՞նչ է ավանդը և ինչի՞ համար է այն նախատեսված

Ավանդը բանկային ծառայություն է, որը թույլ է տալիս ներդնել գումար՝ տոկոսների դիմաց, ինչը հնարավորություն է տալիս կուտակել և ավելացնել ձեր դրամական միջոցները:

Ինչպե՞ս ընտրել ավանդ և ի՞նչ պետք է հաշվի առնել

Ավանդ ընտրելիս անհրաժեշտ է հաշվի առնել մի քանի հիմնական առանձնահատկություններ՝

• ավանդի արժույթը
• տոկոսադրույքը
• տոկոսների վճարման հաճախականությունը
• տոկոսների կապիտալացումը
• ավանդի ժամկետը
• հասանելի այլ հնարավորությունները

Հայաստանում ավանդի արժույթը ընտրելու ժամանակ հաշվի առեք, որ ազգային արժույթով ավանդները ավելի բարձր տոկոսադրույքներ ունեն և ավելի շահավետ պայմաններ, քան արտարժույթով ավանդները: Հայաստանի բանկերը առաջարկում են ավանդներ դրամով, դոլարով, եվրոյով և ռուբլով:

Թվում է, թե ավելի բարձր տոկոսադրույքը նշանակում է ավելի շատ գումար ավանդի մարման ժամանակ, բայց շատ հայաստանյան բանկեր, որոնք առաջարկում են բարձր տոկոսադրույք, նշում են նաև միջնորդավճարներ կամ այլ հասանելի հնարավորությունների սահմանափակումներ: Այդ պատճառով տոկոսադրույքը կարևոր, բայց ոչ միակ չափանիշն է առավել շահավետ ավանդը ընտրելու համար: Ինչպես են հաշվեգրվում տոկոսները

Տոկոսների հաշվեգրման պարբերականությունը կարևոր չափանիշներից մեկն է, ըստ որի կարող եք ընտրել ավանդը: Որպես կանոն տոկոսները հաշվեգրվում են ժամկետի սկզբում, ամսական, եռամսյակային, տարեկան կամ ավանդի ավարտին: Հայաստանի բանկերը առաջարկում են ավանդների տոկոսների հաշվեգրման տարբեր պարբերականություն՝ ըստ հաճախորդի ընտրության: Բայց հաշվի առեք, որ դա կարող է փոխկապակցված լինել նաև այլ պայմանների հետ, օրինակ՝ տոկոսադրույքի, ժամկետի կամ ավանդի նվազագույն գումարի հետ:

Մտածեք նաև տոկոսների կապիտալացման հնարավորության մասին: Այլ կերպ ասած՝ համոզվեք, որ նախորդ ամսվա հաշվեգրված տոկոսները գումարվում են ձեր ավանդի հիմնական գումարին:

Ավանդի ժամկետը. Ավանդի ժամկետը ևս կարևոր է, քանի որ երկարաժամկետ ավանդների համար Հայաստանի բանկերը ավելի շահավետ պայմաններ են առաջարկում, քան կարճաժամկետ ավանդների համար: Հաշվի առեք նաև, որ եթե դուք վաղաժամ մարեք ավանդը, կարող եք կորցնել հաշվեգրված տոկոսները, ուստի պետք է ուշադիր ընտրեք ավանդի ժամկետը՝ չփորձելով այն փակել ժամկետից շուտ:

Ավանդների հիմնական ֆունկցիաներ․ Ավանդները ունեն մի քանի հիմնական ֆունկցիաներ, ըստ որոնց բաժանվում են համապատասխան տեսակների: Այսպես, ավանդները կարող են ունենալ համալրման կամ մասնակի մարման հնարավորություն: Արդյունավետ ավանդի ընտրությունը կախված է ձեր նպատակներից։ Կուտակային ավանդի համար լավագույն տարբերակը համալրման հնարավորությամբ ավանդն է առանց մասնակի մարման հնարավորության։ Տարբեր հնարավորությունները ազդում են ավանդի պայմանների վրա: Կան բանկեր, որոնք առաջարկում են բարձր տոկոսադրույք, բայց ավելի քիչ ճկունություն, իսկ մյուսները՝ միջին տոկոսադրույքով ավանդներ՝ ավելի ճկուն պայմաններով համալրման և մարման հնարավորությամբ:

Ինչպե՞ս ստանալ տոկոսներ ավանդից

Ավանդ բացելիս կարող եք ընտրել առավել հարմար եղանակը տոկոսները ստանալու համար՝

• կանխիկ տարբերակով բանկի մասնաճյուղում;
• փոխանցումով բանկային քարտին
• փոխանցումով բանկային հաշվին

Հաշվի առեք, որ որոշ բանկեր Հայաստանում չեն թույլատրում փոխել տոկոսների հաշվեգրման եղանակը ավանդի ժամկետի ընթացքում, ուստի ընտրությունը կատարեք մտածված:

Ինչ՞ փաստաթղթեր անհրաժեշտ են ավանդ բացելու համար Հայաստանում

Հայաստանի բանկերը առաջարկում են ավանդներ ինչպես ռեզիդենտների, այնպես էլ ոչ ռեզիդենտների համար:

Եթե դուք ռեզիդենտ եք, ապա ավանդ բացելու համար անհրաժեշտ է ներկայացնել անձնագրի և սոցիալական քարտի պատճեններ:

Եթե դուք ոչ ռեզիդենտ եք, ապա անձնագրից բացի, բանկը կարող է պահանջել եկամուտների աղբյուրը հավաստիացնող փաստաթուղթ և գրանցման կամ այլ փաստաթղթեր: