Ինչպե՞ս ստանալ վարկ առանց եկամուտների մասին տեղեկանքի Հայաստանում

Յուրաքանչյուր բանկ ձգտում է նվազագույնի հասցնել ռիսկերը և վստահ լինել, որ վարկառուն կկարողանա վերադարձնել գումարը: Այդ իսկ պատճառով, շատ դեպքերում, վարկ ստանալու համար պահանջվում է եկամտի հաստատում և աշխատանքային ստաժ: Այսպես բանկերը կարողանում են գնահատել հաճախորդի վճարունակությունը: Բայց արդյո՞ք հնարավոր է ստանալ վարկ առանց եկամուտների պաշտոնական հաստատման։ Այո, Հայաստանում դա հնարավոր է:

Ստորև ներկայացնում ենք մի քանի տարբերակ ինչպես ստանալ վարկ առանց աշխատավայրից տեղեկանք ներկայացնելու կամ եկամուտների հաստատման:

1. Լինել բանկի աշխատավարձային հաճախորդ

Եթե աշխատավարձը ստանում եք ինչ-որ բանկում, ապա այնտեղ արդեն երևում է ձեր կանոնավոր մուտքերը, և բանկը կարող է տրամադրել վարկ առանց լրացուցիչ փաստաթղթերի:

Ինչպե՞ս դա անել

1. Ճշտեք ձեր աշխատավարձային բանկի վարկերի պայմանները
2. Համոզվեք, որ աշխատավարձն այդ հաշվին ստանում եք առնվազն 6 ամիս
3. Ձեր բանկի հավելվածի կամ AFM-ի միջոցով դիմեք վարկ ստանալու համար

Բանկեր, որոնք տրամադրում են վարկեր աշխատավարձային հաճախորդներին

Առավելությունները՝ արագ և հեշտ ձևակերպում, ցածր տոկոսադրույք։

Թերությունները՝ վարկը հասանելի է միայն այն հաճախորդներին, ովքեր աշխատավարձ են ստանում այդ բանկում:

2. Ստանալ վարկ գրավի դիմաց

Եթե ունեք արժեքավոր գույք (օրինակ՝ ոսկի կամ անշարժ գույք), կարող եք ստանալ վարկ առանց եկամուտների հաստատման՝ գրավադրման եղանակով:

Ինչպես դա անել.

1. Դիմեք բանկ՝ ներկայացնելով ձեր գույքը:
2. Անցեք գրավի գնահատում:
3. Ստորագրեք պայմանագիրը և ստացեք գումարը:

Ոսկու գրավով վարկեր տրամադրող բանկեր (2025թ. մարտի դրությամբ)

Առավելությունները՝ վարկի հաստատման բարձր հավանականություն, խոշոր գումարներ: Թերությունները՝ վճարումները չիրականացնելու դեպքում հնարավոր է կորցնել գրավը:

3. Մեծացնել կանխավճարը կամ նվազեցնել վարկի գումարը (հիփոթեքի, ավտովարկի կամ ապառիկի դեպքում)

Եթե ցանկանում եք առանց եկամուտների հաստատման ձևակերպել հիփոթեք կամ ավտովարկ, ապա պետք է մեծացնել կանխավճարը կամ նվազեցնել վարկի գումարը:

Օրինակ՝

1. Unibank-ում հիփոթեքային վարկի համար անհրաժեշտ է նվազագույնը 40% կանխավճար, եթե չեք ներկայացնում եկամուտը հաստատող տեղեկանք:
2. AMIO Bank-ում ավտովարկը հասանելի է 50% կանխավճարի դեպքում առանց եկամուտների հաստատման:

Բանկեր, որոնք տրամադրում են ավտովարկեր և հիփոթեք առանց եկամուտների հաստատման

4. Ներկայացնել այլ ֆինանսական փաստաթղթեր

Եթե չունեք պաշտոնական աշխատավարձ, կարող եք ներկայացնել այլ եկամուտների ապացույցներ.

1. Բանկային հաշվի քաղվածք՝ կանոնավոր ֆինանսական հոսքն ապացուցելու համար
2. Հարկային հայտարարագիր (եթե ունեք բիզնես կամ ԱՁ)
3. Վարձակալական պայմանագիր (եթե անշարժ գույք եք վարձով տալիս)

Օրինակ՝ Ardshinbank-ը կարող է վարկ հաստատել հիմք ընդունելով միայն վարկառուի ֆինանսական պատմությունը և սեփականության իրավունքը:

5. Ներգրավել երաշխավոր կամ համավարկառու

Եթե չունեք եկամուտների պաշտոնական հաստատում, կարող եք ներգրավել երաշխավոր կամ համավարկառու, ում պաշտոնական աշխատավարձը բանկը կընդունի որպես երաշխիք:

Օրինակ՝ Evocabank-ում անհրաժեշտ է երաշխավոր, եթե չկա եկամտի մասին տեղեկանք։ Հիփոթեքային վարկերի դեպքում հաճախ անհրաժեշտ է լինում համավարկառու։ Օրինակ՝ ամուսին/կին, ում եկամուտը կհաշվարկվի վարկի տրամադրման ժամանակ:

Եզրակացություն

Հայաստանում հնարավոր է վարկ ստանալ առանց եկամուտների տեղեկանքի՝ հատկապես եթե ընտրեք քայլերի ճիշտ հերթականություն։ Անշարժ գույքի գրավադրումը, մաքուր վարկային պատմությունը, վստահելի երաշխավորը կամ խոշոր կանխավճարը կարող են բարձրացնել բանկի վստահությունը ձեր հանդեպ։ Շատ բանկեր արդեն մշակել են հատուկ վարկային լուծումներ նման դեպքերի համար․ շուկան գնալով ավելի ճկուն է դառնում ոչ ֆորմալ եկամուտ ունեցող հաճախորդների համար։

Վարկ ստանալու համար կարելի է դիմել բանկ, որտեղ ունեք աշխատավարձային հաշիվ։ Կարելի է ստանալ վարկ գրավով, մեծացնել կանխավճարը կամ ներկայացնել այլ եկամտի ապացույցներ։

Կարևոր է հասկանալ՝ բանկերն ավտոմատ կերպով չեն մերժում այն հաճախորդներին, ովքեր չեն կարող ներկայացնել եկամուտների պաշտոնական հաստատում, այլ լրացուցիչ երաշխիքներ են փնտրում։

Գլխավորը՝ իմանալ, թե որ բանկերն են պատրաստ ընդառաջել և ինչ այլընտրանքային երաշխիքներ կարելի է ներկայացնել նրանց։ Երբ նվազեցնում եք բանկի համար ստեղծված ռիսկը՝ ստանում եք անհրաժեշտ գումարը։

Ցանկանու՞մ եք գտնել վարկի ամենաշահավետ տարբերակը ձեզ համար։ Ծանոթացե՛ք հայկական բանկերի առաջարկներին և ընտրե՛ք լավագույն տարբերակն AFM-ում։