Հայաստանի բանկերի ակտիվներն արդեն գերազանցում են ՀՆԱ-ն․ ի՞նչու է դա այդպես

How2B հարթակի տվյալներով՝ Հայաստանի բանկային համակարգի ընդհանուր ակտիվները արդեն գերազանցում են երկրի ՀՆԱ-ի ծավալը։ AFM թիմը պարզաբանել է՝ ինչ է սա նշանակում և ինչու է դա տեղի ունենում։

Կարճ՝ հիմնականի մասին

Հայաստանի բանկերի ընդհանուր ակտիվները կազմում են մոտ 33 մլրդ դոլար, մինչդեռ երկրի ՀՆԱ-ն՝ մոտ 29 մլրդ դոլար։ Սա նշանակում է, որ բանկային համակարգը արդեն գերազանցում է տնտեսության չափը մոտ 14%-ով։

Թոփ-3 բանկերն ըստ ակտիվների

Ardshinbank՝ մոտ 7 մլրդ դոլար

Ameriabank՝ մոտ 6.1 մլրդ դոլար

ACBA Bank՝ մոտ 2.8 մլրդ դոլար

Ինչո՞ւ է դա տեղի ունենում․ բացատրում է AFM-ի թիմը

1. Վարկավորման աճ

Բանկերը ակտիվորեն տրամադրում են վարկեր՝ հիփոթեքային, սպառողական և բիզնես։ Վարկերը բանկերի հիմնական ակտիվն են, ուստի դրանց աճը անմիջապես մեծացնում է ընդհանուր ակտիվների ծավալը։

2. Ֆինանսների հոսք դեպի բանկեր

Վերջին տարիներին աճել են ավանդները, արտերկրից փոխանցումները և բանկային ծառայությունների օգտագործումը։ Որքան շատ գումար է պահվում բանկերում, այնքան մեծ են դրանց ակտիվները։

3. Ֆինանսական համակարգի զարգացում

Հայաստանում բանկերը ավելի ու ավելի են դառնում տնտեսության առանցքային բաղադրիչ։ Նրանք սպասարկում են բիզնեսը, ֆինանսավորում գործարքները և մասնակցում ներդրումային գործընթացներին։ Այս պայմաններում ակտիվների աճը բնական գործընթաց է, և իրավիճակը, երբ բանկային համակարգը հասնում է կամ նույնիսկ գերազանցում է ՀՆԱ-ն, համարվում է նորմալ։

AFM-ի եզրակացությունը

Սա ոչ թե ռիսկային իրավիճակ է, այլ ֆինանսական համակարգի զարգացման նշան։ Օգտատերերի համար դա նշանակում է ավելի շատ հնարավորություններ․ բանկերն առաջարկում են ավելի շատ վարկային ծրագրեր, մրցակցությունը ուժեղանում է, և առաջանում են ավելի շահավետ պայմաններով տարբերակներ։