ԿԲ-ն գործարկել է «Վիճակագրական ակնարկ» էջը՝ տնտեսության հիմնական տվյալներով

ՀՀ կենտրոնական բանկի պաշտոնական կայքում, «Վիճակագրություն» բաժնում, գործարկվել է նոր էջ՝ «Վիճակագրական ակնարկ», որը հասանելի է «Վիճակագրություն» ենթաբաժնում։

Նոր ձևաչափով հիմնական վիճակագրական ցուցանիշները ներկայացվում են գրաֆիկական պատկերների միջոցով, ինչը թույլ է տալիս ավելի արագ և պարզ վերլուծել տվյալները։

Էջում ներկայացված են՝

1. փոխարժեքների դինամիկան
2. տնտեսական ակտիվության և գնաճի ցուցանիշները
3. ֆինանսական շուկաների և բանկային համակարգի տվյալները
4. այլ կարևոր վիճակագրական ցուցանիշներ

Տվյալները կթարմացվեն յուրաքանչյուր շաբաթ, ինչը հնարավորություն կտա հետևել տնտեսության և ֆինանսական համակարգի ընթացիկ զարգացումներին։

Կենտրոնական բանկը նշում է, որ շարունակելու է զարգացնել վիճակագրական տվյալների հասանելիությունն ու բարելավել դրանց ներկայացման ձևաչափերը՝ ապահովելով առավել թափանցիկ և հասկանալի տեղեկատվություն։