AFM-ի հունվարյան ամփոփումը. ի՞նչ փոփոխություններ են գրանցվել ավանդների շուկայում

Հայաստանի կոմերցիոն բանկերի ավանդների՝ 2026 թվականի հունվար ամսվա վերլուծության արդյունքներով AFM-ի թիմն արձանագրել է դրույքաչափերի տարաուղղված դինամիկա: Ռուսական խորհրդային ռուբլով ավանդների դրույքաչափերն աճել են, մինչդեռ մի շարք բանկերում դրամային ավանդների եկամտաբերությունը նվազել է:

Ռուբլով ավանդներ

Հունվարին Fast Bank-ը վերանայել է ռուսական ռուբլով ավանդների պայմանները: Եթե նախկինում նման ավանդների դրույքաչափերը տատանվում էին տարեկան 4,75-5% միջակայքում, ապա հունվարի արդյունքներով դրանք բարձրացվել են մինչև տարեկան 7-8%, ինչը ռուբլով ավանդները դարձրել է զգալիորեն ավելի եկամտաբեր՝ տարեսկզբի համեմատ:

Դրամային ավանդներ

Միևնույն ժամանակ, AFM-ի թիմը ֆիքսել է դրամային ավանդների տոկոսադրույքների նվազում.

1. Ardshinbank-ում է միջինում մինչև 0,5 տոկոսային կետով է նվազել,
2. նմանատիպ փոփոխություններ տեղի են ունեցել նաև AMIO Bank-ում: Դրամային ավանդների տոկոսադրույքների փոփխությունները համընկել են Հայաստանի Կենտրոնական բանկի կողմից վերաֆինանսավորման տոկոսադրույքի նվազեցման հետ, ինչն անդրադառնում է դրամով ավանդների ընդհանուր եկամտաբերության վրա:

Ի՞նչն է կարևոր հաշվի առնել

1. Ավանդների տարբեր արժույթների միջև եկամտաբերության տարբերությունը մեծացել է:
2. Տոկոսադրույքների փոփոխությունները կրում են կետային բնույթ և կախված են կոնկրետ բանկերի քաղաքականությունից:

Ավանդների մասին ավելի մանրամասն համեմատությունն ըստ բանկերի, արտարժույթների, տոկոսադրույքների վճարման պայմանների, նվազագույն և առավելագույն գումարների, ինչպես նաև ներդրման նպատակների վերլուծությունն ու հաճախ տրվող հարցերի պատասխանները կարող եք գտնել AFM-ի վերլուծական հոդվածում:

AFM-ի թիմը շարունակում է ավանդների շուկայի մոնիթորինգը: Այլ բանկերում ևս ավանդների պայմանները կարող են վերանայվել․ այդ տեղեկատվությունը կթարմացվի փոփոխություններին զուգահեռ: