Մեկնարկել է «Zartir Fellowship» ինկուբացիոն ծրագրի հայտերի ընդունումը
Մեկնարկել է «Zartir Fellowship» մեկամյա ինկուբացիոն ծրագրի 8-րդ շրջափուլի հայտերի ընդունումը։ Ծրագիրն իրականացվում է Impact Hub Yerevan-ի կողմից՝ Whitt Family Foundation-ի ֆինանսավորմամբ։
Ծրագրի նպատակն է աջակցել սոցիալական ձեռներեցներին, հետազոտողներին և կազմակերպություններին, որոնք լուծումներ են առաջարկում հասարակության համար կարևոր խնդիրների համար։ Դրանց թվում են՝ մայրական բարեկեցություն, երեխաների խնամք, ընտանեկան բռնության կանխարգելում, կենդանիների իրավունքների պաշտպանություն, վետերանների աջակցություն, հաշմանդամություն ունեցող անձանց աջակցություն և այլ սոցիալական նախաձեռնություններ։
Impact Hub Yerevan-ը 2018 թվականից համագործակցում է Whitt Family Foundation-ի հետ, և այդ ընթացքում ծրագրի միջոցով աջակցություն է ցուցաբերվել ավելի քան 100 սոցիալական նախաձեռնությունների։
Ծրագրի մասնակիցները կստանան․
- բիզնեսի զարգացման նպատակային դասընթացներ,
- մենթորություն ոլորտի մասնագետներից,
- հնարավորություն միանալու Impact Hub Yerevan համայնքին,
- համատեղ աշխատանքային տարածքի օգտագործում,
- փորձի փոխանակում և նոր մասնագիտական կապեր։
Ծրագրի ավարտին լավագույն նախագծերը կարող են ստանալ մինչև 1000 ԱՄՆ դոլարի ֆինանսական աջակցություն՝ իրենց գաղափարների զարգացման համար։
Ծրագրին կարող են դիմել․
- սկսնակ ձեռներեցներ
- վաղ փուլում գտնվող ստարտափներ
- նորարարներ և թիմեր
Բիզնեսի պաշտոնական գրանցումը պարտադիր չէ, սակայն անհրաժեշտ է պատրաստ լինել մասնակցելու ծրագրի բոլոր միջոցառումներին։
Հայտերի ընդունման վերջնաժամկետը՝ 2026թ․ մարտի 30, ժամը 23:59։
Ծրագիրը կմեկնարկի 2026 թվականի ապրիլին և կավարտվի 2027 թվականի մարտին։
Նախնական փուլն անցած թեկնածուները կհրավիրվեն հարցազրույցի, իսկ վերջնական ընտրությունը կիրականացնի ժյուրին՝ կազմված Whitt Family Foundation և Impact Hub Yerevan ներկայացուցիչներից։
Հեղինակ
Ռոման ԳալստյանԱղբյուր
Impact Hub YerevanՊատկերի աղբյուր
Impact Hub YerevanԹեմա