Կենսաթոշակների բարձրացումը կավելացնի բյուջեի ծանրաբեռնվածությունը. Ֆինանսների նախըարարությունը զգուշացնում է ռիսկերի մասին

Հայաստանի կառավարությունը հաստատել է 2026 թ․ ապրիլի 1-ից կենսաթոշակների և սոցիալական նպաստների բարձրացման մասին որոշումը։ Սակայն երկրի ֆինանսների նախարարությունը այս նախաձեռնությունը համարում է պոտենցիալ ռիսկային պետական ֆինանսների կայունության համար։

Ինչպես նշվում է, վճարումների ավելացումը կհանգեցնի բյուջեի մշտական սոցիալական ծախսերի աճի, ինչը կարող է սահմանափակել պետության հնարավորություններն առաջիկա տարիներին այլ առաջնահերթ ուղղություններ ֆինանսավորելու հարցում։

Նախնական հաշվարկներով՝ բյուջեի լրացուցիչ ծանրաբեռնվածությունը կկազմի տարեկան շուրջ 78,7 մլրդ դրամ։ Ընդ որում, ինչպես ընդգծում են Ֆինանսների նախարարությունում, որոշման նախագծում սահմանված չեն այս ծախսերի ֆինանսավորման կոնկրետ աղբյուրները։

Գերատեսչությունը զգուշացնում է, որ նման իրավիճակում կառավարությունը, հավանաբար, ստիպված կլինի ռեսուրսներ փնտրել այլ պետական ծրագրերի օպտիմալացման կամ կրճատման հաշվին՝ բյուջեի հավասարակշռությունը պահելու համար։

Նման որոշումներն ունեն երկարաժամկետ ազդեցություն տնտեսության համար.

1. սոցիալական վճարումները դառնում են բյուջեի մշտական ծախսային հոդված,
2. պետության լրացուցիչ եկամուտների բացակայության դեպքում դա կարող է հանգեցնել ծրագրերի միջև միջոցների վերաբաշխման,
3. երկարաժամկետ հեռանկարում նման միջոցները կարող են ուժեղացնել ճնշումը պետական ֆինանսների վրա։

Կենսաթոշակների բարձրացման մասին որոշումն ուժի մեջ կմտնի 2026 թ․ ապրիլի 1-ից։ Վճարումների ավելացման մանրամասները կառավարությունը ծրագրում է հստակեցնել մոտ ժամանակներս։