VTB Armenia բանկը գործարկել է MIR Travel քարտ՝ Ռուսաստանի և Հայաստանի միջև փոխանցումների համար
VTB Armenia Bank-ը հայտարարել է նոր բազմարժույթային MIR Travel քարտի գործարկման մասին, որը նախատեսված է այն հաճախորդների համար, ովքեր կանոնավոր կերպով տեղաշարժվում են Ռուսաստանի և Հայաստանի միջև։
Քարտը հնարավորություն է տալիս պահել և օգտագործել միջոցներ միաժամանակ երկու արժույթով՝ հայկական դրամով և ռուսական ռուբլով, կատարել վճարումներ առանց փոխարկման և իրականացնել դրամով փոխանցումներ Ռուսաստանի և Հայաստանի միջև։
MIR Travel քարտի հիմնական հնարավորությունները
- Բազմարժույթային ձևաչափ՝ երբ միաժամանակ հասանելի են AMD և RUB հաշիվները։
- Ռուբլիով անվճար համալրում Ռուսաստանի տարածքում։
- Դրամով կանխիկացում Հայաստանում՝ հավելյալ քարտի միջոցով, ակնթարթորեն։
- Քարտից քարտ փոխանցումներ և կանխիկի մուտքագրում Ռուսաստանի բանկոմատների միջոցով՝ առանց միջնորդավճարի և շուրջօրյա ռեժիմով։
- Մինչև երկու հավելյալ քարտի թողարկում հիմնական հաշվին։
MIR Travel քարտով վճարումներն ընդունվում են Ռուսաստանի ողջ տարածքում, այդ թվում՝ առցանց գնումների դեպքում, ինչը քարտը դարձնում է հարմար գործիք առօրյա ծախսերի և երկրների միջև հեռավար փոխանցումների համար։
Ինչպե՞ս ձևակերպել քարտը
Հիմնական քարտի ձևակերպման համար անհրաժեշտ է ներկայացնել անձնագիր և սոցիալական քարտ։ Երրորդ անձի համար հավելյալ քարտ թողարկելիս պահանջվում է ներկայացնել ստացողի անձը հաստատող փաստաթուղթը։
Հեղինակ
Սաթի ԱվագյանԱղբյուր
VTB ArmeniaԹեմա
Ֆինանսական նորություններ, Դեբետային քարտեր, VTB Bank, Վճարումներ և փոխանցումներ