IDBank-ի դեբետային քարտերը — համեմատեք պայմանները

Դեբետային քարտը բանկային քարտ է, որի միջոցով դուք կարող եք կատարել անկանխիկ գնումներ, վճարումներ և այլ ֆինանսական փոխանցումներ:

Դեբետային քարտը կապված է հաշվեհամարի հետ, որտեղ պահվում են ձեր միջոցները: Դրա միջոցով դուք կարող եք գումար կանխիկացնել բանկոմատներից կամ վճարել ապրանքների և ծառայությունների համար՝չգերազանցելով հաշվի մնացորդը:

Ի տարբերություն քարտի, հաշվեհամարը չունի ժամկետ: Երբ քարտի ժամկետը լրանում է, այն վերաթողարկվում է․ հաշվեհամարը մնում է անփոփոխ, բայց քարտի տվյալները թարմացվում են:

Հայաստանում տարբերում են պլաստիկ և թվային դեբետային քարտեր: Թվային քարտն առանց ֆիզիկական կրիչի քարտ է: Այն ունի նույն գործառույթները, ինչ պլաստիկ քարտը:

Պլաստիկ քարտերը կարող են լինել անվանական (անհատականացված) և ոչ անվանական (չանհատականացված)։ Ոչ անվանական դեբետային քարտերը հարմար են, եթե անհրաժեշտ է այն ստանալ շատ արագ, քանի որ դրանք չեն պարունակում ձեր անձնական տվյալները: Սակայն հաշվի՛ առեք , որ ոչ անհատական բանկային քարտերով ծառայությունների և վճարումների համար կան սահմանափակումներ: Անվանական քարտերը չունեն նման սահմանափակումներ:

Հայաստանի բանկերը առաջարկում են հետևյալ տեսակի քարտեր՝

• Ուսանողական քարտ․  

  նախատեսված է կրթաթոշակի փոխանցման համար և չի տարբերվում սովորական բանկային քարտից: Ընդ որում, այս քարտը կարող է ունենալ տարբեր արտոնություններ ուսանողների համար:

• Աշխատավարձային քարտ․  

  նախատեսված է աշխատավարձի փոխանցման համար և տրվում է բանկի և Ձեր աշխատավայրը հանդիսացող կազմակերպության միջև կնքվող պայմանագրով: Հայաստանում որոշ բանկեր աշխատավարձային հաճախորդներին առաջարկում են տարբեր զեղչեր ֆինանսական ծառայությունների համար:

• Թոշակային քարտ․  

  նախատեսված է կենսաթոշակային և այլ սոցիալական վճարների համար: Հաճախ Հայաստանի բանկերն առաջարկում են թոշակային քարտեր՝ առանց տարեկան սպասարկման վճարի:

• Բազմարժութային քարտ․  

  տարբեր արժույթային հաշիվներով բանկային քարտ է: Այն հարմար է, եթե ձեր դրամական միջոցները միայն մեկ արժույթով չեն: Բազմարժութային քարտերը թույլ են տալիս խուսափել փոխարկման միջնորդավճարներից գործարքներ կատարելու ժամանակ, ինչպես նաև պաշտպանում են ձեր միջոցները տարադրամի փոխարժեքի տատանումներից: Այն հարմար է միջազգային գործարքներ կատարելու համար, օրինակ՝ օտարերկրյա կայքերում գնումներ կատարելու կամ ճանապարհորդելու համար:

Բանկային քարտը կապված է որոշակի վճարային համակարգի հետ: Հայաստանում բանկերն առաջարկում են քարտեր հետևյալ վճարային համակարգերով՝ ArCa, Visa, MasterCard, American Express, UnionPay և Diners Club:

Բանկային քարտերը բաժանվում են երեք դասի՝ ստանդարտ, ոսկյա և պրեմիում: Յուրաքանչյուր դաս տարբերվում է գործառույթների և լրացուցիչ արտոնությունների փաթեթով, որոնք դուք ստանում եք: Պրեմիում դասի քարտապաններին Հայաստանի բանկերն առաջարկում են արտոնություններ ինչպիսիք են՝ զեղչեր բանկային ծառայությունների համար, օդանավակայանի բիզնես սրահներ մուտք գործելու հնարավորություն և այլն:

Հայաստանում դեբետային քարտ ստանալու համար դուք պետք է այցելեք բանկի մասնաճյուղ՝ ունենալով անձը հաստատող փաստաթուղթ և սոցիալական քարտ: Երբեմն կարող են պահանջվել լրացուցիչ փաստաթղթեր: Օրինակ՝ աշխատավարձի քարտ ստանալու համար Հայաստանում պահանջվում է աշխատանքային պայմանագիր և եկամուտը հաստատող փաստաթուղթ:

Շատ կարևոր է ճիշտ փակել դեբետային քարտը․ պարզապես դրա արգելափակումը բավարար չէ: Եթե դուք չեք օգտագործում ձեր բանկային քարտը, բայց այն չեք փակել, ապա բանկը շարունակելու է գանձել քարտի տարեկան սպասարկման վճարը: Այդ իսկ պատճատով լրացուցիչ ծախսերից խուսափելու համար անհրաժեշտ է դիմել բանկ և ներկայացնել քարտն ու քարտային հաշիվը փակելու դիմում։