Ինչպե՞ս ընտրել ամենաշահավետ վարկը. վարկառուի ուղեցույց

Վարկի ձևակերպումը պատասխանատու քայլ է։ Այստեղ սխալ որոշումը կարող է հանգեցնել հազարավոր, իսկ երբեմն էլ հարյուր հազարավոր դրամի կորստի: Այդ դեպքում ինչպե՞ս ընտրել նվազագույն միջնորդավճարով վարկ և խուսափել հետագա պարտքերից։ Կազմել ենք քայլ առ քայլ ուղեցույց, որը կօգնի համեմատել բանկերի առաջարկները և ընտրել ամենահարմար տարբերակը:

Մաս 1. Վարկառուի նախապատրաստական ուղեցույց

1. Ընտրեք, թե ինչ վարկ է ձեզ անհրաժեշտ

Վարկ ընտրելուց առաջ պատասխանեք մի քանի հարցի՝

1. Ձեզ պետք է սպառողական վարկ, հիփոթեք, թե՞ ավտովարկ
2. Պլանավորում եք մարել վարկը ժամանակից շու՞տ, թե՞ վճարել ըստ ժամանակացույցի
3. Կարո՞ղ եք տրամադրել եկամուտների հաստատում, թե՞ ոչ
4. Պատրա՞ստ եք գրավ տրամադրել կամ ունենալ երաշխավոր

Կարևոր է՝ եթե վերցնում եք վարկ առանց եկամտի հաստատման, ապա տոկոսադրույքն, ամենայն հավանականությամբ, ավելի բարձր կլինի, քան եթե եկամուտը հաստատող փաստաթուղթ ներկայացնեք։

2. Համեմատեք մի քանի բանկի առաջարկները

Մի համաձայնեք առաջին իսկ առաջարկին: Ուսումնասիրեք մի քանի տարբերակ՝ համեմատելով հետևյալ գործոնները.

1. Տոկոսադրույք․ որքան ցածր, այնքան լավ
2. Արդյունավետ տոկոսադրույք․ հաշվի առեք բոլոր հավելյալ վճարները և միջնորդավճարները
3. Վարկի ժամկետ․ որքան երկար է ժամկետը, այնքան մեծ է ընդհանուր գերածախսը, եթե չեք պատրաստվում վաղաժամկետ մարել վարկը
4. Պահանջներ վարկառուի նկատմամբ․ որոշ բանկեր ավելի լավ պայմաններ են առաջարկում բարձր աշխատավարձ կամ լավ վարկային պատմություն ունեցող հաճախորդներին

3. Ստուգեք լրացուցիչ վճարները և միջնորդավճարները

Թեև բանկը կարող է առաջարկել ցածր տոկոսադրույք, կարևոր է ուշադիր կարդալ պայմանագիրը և ուշադրություն դարձնել հետևյալ կետերին՝

1. Ապահովագրություն․ պարտադիր է, թե՞ կարելի է հրաժարվել
2. Վարկի տրամադրման միջնորդավճար․ կա՞ն արդյոք հավելյալ վճարներ
3. Տուգանք վարկի վաղաժամկետ մարման համար․ որոշ բանկեր վճար են գանձում վարկը վաղաժամկետ մարելու դեպքում
4. Պարտադիր պայմաններ․ արդյո՞ք պետք է բացել հաշիվ կամ ունենալ վճարովի սպասարկմամբ քարտ

4. Գնահատեք ձեր վարկային ծանրաբեռնվածությունը

Վարկ վերցնելուց առաջ կարևոր է ճիշտ գնահատեք ձեր ֆինանսական վիճակը

1. Վարկի ամսական վճարը չպետք է գերազանցի ձեր եկամտի 30-40%-ը։
2. Ստուգեք ձեր վարկային պատմությունը, եթե ունեցել եք ուշացումներ։ Դա կարող է բացասաբար ազդել վարկի հաստատման վրա։

5. Կարդացեք պայմանագիրը նախքան ստորագրելը

Մինչև ստորագրելը, համոզվեք, որ հասկացել եք հետևյալ կետերը․

1. Վարկի ամբողջական արժեքը (ներառյալ բոլոր վճարները և միջնորդավճարները)
2. Տոկոսադրույքի փոփոխման պայմանները
3. Ֆինանսական դժվարությունների դեպքում վարկը վերաձևակերպելու հնարավորությունը

Մաս 2. Ինչի՞ն ուշադրություն դարձնել պայմանագիր ստորագրելիս

1. Ձեր աշխատավարձն ու աշխատանքային վայրը կարող են ազդել վարկի պայմանների վրա

1. Պետական հաստատություններում կամ խոշոր կազմակերպություններում աշխատող անձինք հաճախ ավելի շահավետ պայմաններ են ստանում։
2. Եթե պաշտոնական եկամուտ չունեք (օրինակ՝ չգրանցված աշխատող եք), բանկը կարող է բարձրացնել տոկոսադրույքը կամ սահմանափակել վարկի գումարը։

2. Պարտադիր չէ վարկի ամբողջ հաստատված գումարը վերցնել

Եթե բանկն առաջարկում է ավելի մեծ գումար, քան ձեզ անհրաժեշտ է, մի՛ շտապեք ընդունել ամբողջը։

1. Բարձր գումարը կարող է իր հետ բերել ավելի մեծ տոկոսային գերածախս։
2. Դա կարող է ֆինանսական գերծանրաբեռնվածություն առաջացնել։
3. Խոշոր պարտքը կարող է ազդել ապագայում այլ վարկ ստանալու հնարավորության վրա (ավելի մեծ վարկային ծանրաբեռնվածություն ցույց կտա)։

3. Որոշ ծառայություններ կարող են ակտիվացվել ավտոմատ

Որոշ բանկեր վարկ տրամադրելիս ավտոմատ միացնում են հավելյալ վճարովի ծառայություններ, օրինակ՝

1. Վճարովի SMS ծանուցումներ
2. Լրացուցիչ ապահովագրություններ, որոնք կարելի է անջատել
3. Պարտադիր վճարովի քարտեր կամ հաշվի սպասարկում

Ինչպե՞ս խուսափել։ Տեղում պահանջեք ծառայությունների ամբողջական ցանկ և հրաժարվեք ավելորդներից։

4. Ավտոմատ վճարումները միշտ չէ, որ լավագույն տարբերակն են

1. Որոշ բանկեր կարող են գանձել միջնորդավճար ավտոմատ վճարումների համար։
2. Եթե հաշվին գումար չկա, հնարավոր են տույժեր կամ լրացուցիչ վճարումներ։
3. Տեղեկությունների փոփոխման դեպքում ավտոմատ վճարումները կարող են դադարեցվել (ըստ նոր պայմանների)։ Վճարում չի իրականացվի և դուք չեք իմանա այդ մասին։

Եզրակացություն

Վարկ ընտրելը հեշտ գործ չէ, բայց այս ուղեցույցի օգնությամբ կարող եք գտնել ձեզ համար լավագույն տարբերակը՝ նվազագույն գերավճարով։

Անհրաժեշտ է հետևել հիմնական կանոններին՝

1. Ոչ պաշտոնական եկամուտը կարող է պատճառ դառնալ ավելի բարձր տոկոսադրույքի կամ քիչ տրամադվող վարկի գումարի։
2. Պարտադիր չէ վերցնել բանկի առաջարկած ամբողջ գումարը։
3. Ավտոմատ վճարումները կարող են լրացուցիչ ծախսեր առաջացնել։
4. Լրացուցիչ ծառայությունները կարող են ակտիվացվել ավտոմատ՝ առանց ձեր համաձայնության։

Հիշեք, որ ֆինանսական գիտելիքներն օգնում են խուսափել ավելորդ ծախսերից և ճիշտ կառավարել վարկային պարտավորությունները։ AFM-ի միջոցով կարող եք համեմատել բանկերի առաջարկները ևընտրել ձեր նպատակի համար լավագույն պայմաններով վարկը։