Արագ առցանց վարկեր․ ո՞ր բանկերն ինչ պայմաններով և գործընթացով են դրանք տրամադրում

Երբ փնտրում եք արագ առցանց վարկ, ձեզ համար կարևոր են երեք հանգամանք՝ որքա՞ն ժամանակ դա կխլի, որո՞նք են պայմանները և որտե՞ղ ներկայացնել հայտը։

2026 թվականին առցանց վարկերը Հայաստանում մնում են սպառողական ֆինանսավորման ամենաարագ ձևերից մեկը։ Բանկերի մեծ մասում որոշումը կայացվում է մեկ աշխատանքային օրվա ընթացքում, իսկ ճիշտ լրացված հայտի և դրական վարկային պատմության դեպքում միջոցները կարող են փոխանցվել հենց հայտի ներկայացման օրը։

Համառոտ 2026թ. առցանց վարկերի շուկայի մասին

1. Առցանց ծրագրեր առաջարկում են Հայաստանի 17 բանկերից 8-ը։
2. Նվազագույն փաստացի տոկոսադրույքը սկսվում է մոտ 16%-ից։
3. Հեռավար պրոդուկտների առավելագույն գումարը՝ մինչև 20,000,000 դրամ։
4. Միջին ժամկետը՝ մինչև 5 տարի` կախված բանկից։
5. Ոչ ռեզիդենտներին առցանց վարկերը հասանելի են միայն առանձին բանկերում և լրացուցիչ պահանջների պահպանման դեպքում։

Բոլոր բանկերի պայմանները համեմատելու ամենաարագ միջոցը AFM-ի միջոցով հայտ ներկայացնելն է։

Ստորև կդիտարկենք, թե որ բանկերն են տրամադրում առցանց վարկեր, ինչ պայմաններ են գործում 2026թ. փետրվարին, ում են հասանելի հեռավար ծրագրերը, ինչպես է ընթանում ձևակերպման գործընթացը և ինչն է օգնում արագացնել հաստատումը։

Որքա՞ն արագ է հնարավոր ստանալ առցանց վարկ

Առցանց վարկը ձևակերպվում է ամբողջությամբ հեռավար տարբերակով. հայտը ներկայացվում է կայքի կամ բջջային հավելվածի միջոցով, նույնականացումը բանկերի մեծ մասում կատարվում է հեռակա կարգով (հաճախ տեսազանգի միջոցով), պայմանագիրը ստորագրվում է էլեկտրոնային ձևով, իսկ գումարը փոխանցվում է քարտին։

Միջինում գործընթացն ունի հետևյալ տեսքը.

1. Հարցաշարի լրացում՝ 5-10 րոպե
2. Նույնականացում՝ առցանց կամ առկա (կախված բանկից)
3. Բանկի կողմից ստուգում՝ 15 րոպեից մինչև մի քանի ժամ
4. Պայմանագրի առցանց ստորագրում
5. Միջոցների փոխանցում հաշվին

Եթե արդեն տվյալ բանկի հաճախորդ եք և ստանում եք ձեր աշխատավարձն այդ բանկի հաշվին, համակարգը կարող է հաստատել վարկը ավտոմատ կերպով։ Այդ դեպքում գումարը կարող է հասանելի լինել հենց դիմելու օրը։

Առանձնակի հարկ է նշել, որ առցանց վարկերից կարող են օգտվել նաև արտերկրում գտնվող ՀՀ քաղաքացիություն ունեցող սփյուռքահայերը։ Բանկերի մեծ մասում (օրինակ՝ Ameriabank և Inecobank) գործընթացն ամբողջությամբ հեռավար է. հայտը ներկայացվում է կայքի կամ հավելվածի միջոցով, պայմանագիրը ստորագրվում է էլեկտրոնային ստորագրությամբ, իսկ միջոցները մուտքագրվում են հաշվին։

Որպես կանոն, ձևակերպման համար Հայաստան ժամանել չի պահանջվում։ Սակայն նախքան հայտ ներկայացնելը կարևոր է բանկից ճշտել նույնականացման փուլի մանրամասները՝ արդյոք կիրառվում է բջջային նույնականացում, էլեկտրոնային ստորագրություն, թե՞ պահանջվում է նախապես ակտիվացված առցանց բանկինգ:

Ինչպե՞ս է AFM-ն օգնում ավելի արագ ստանալ առցանց վարկ

AFM-ի օգնությամբ կարող եք.

1. համեմատել բոլոր հասանելի առցանց ծրագրերը մեկ վայրում,
2. տեսնել տոկոսադրույքներն ու սահմանաչափերը՝ առանց բանկերի կայքերով անընդհատ տեղափոխվելու,
3. անմիջապես հայտ ներկայացնել ընտրված բանկ,
4. ընտրել հենց ձեզ՝ ռեզիդենտի կամ ոչ ռեզիդենտի համար հասանելի ծրագիրը:

Եթե գումարն անհրաժեշտ է շտապ, կարևոր է ժամանակ չվատնել պայմանների ինքնուրույն փնտրտուքի և համեմատության վրա: AFM-ի միջոցով կարելի է կրճատել այս փուլը և անմիջապես անցնել հայտի ներկայացմանը:

Առցանց վարկերի պայմանները Հայաստանում 2026 թ․

Առցանց ձևաչափն արագացնում է վարկի ստացման գործընթացը, սակայն բուն պայմանները մնում են բանկային՝ եկամուտների և վճարունակության լիարժեք գնահատմամբ: Վարկերը կարող են տարբերվել իրենց դրույքաչափերով, առավելագույն գումարներով և վարկառուին ներկայացվող պահանջներով, սակայն շուկայի բազային պարամետրերը հիմնականում նման են: Սա թույլ է տալիս կողմնորոշվել պայմանների միջակայքում դեռևս մինչև հայտ ներկայացնելը:

Շուկայի միջին պայմանները.

1. Գումար՝ մինչև 15,000,000-20,000,000 դրամ
2. Ժամկետ՝ մինչև 5 տարի
3. Փաստացի տոկոսադրույք՝ 16%-ից սկսած
4. Ձևակերպում՝ հեռավար

Վերջնական տոկոսադրույքը կախված է.

1. եկամտի մակարդակից,
2. վարկային պատմությունից,
3. գումարից և ժամկետից,
4. տվյալ բանկում հաճախորդի կարգավիճակից:

Կարևոր է հասկանալ, որ առցանց ձևաչափը չի նշանակում պարզեցված ստուգում:

Արագ առցանց վարկեր տրամադրող բանկերը

Հայաստանում գործում է 17 կոմերցիոն բանկ: 2026 թ․ փետրվարի դրությամբ հեռավար առցանց վարկեր առաջարկում են դրանցից 8-ը, ինչը կազմում է շուկայի գրեթե կեսը:

Առցանց ձևաչափն աստիճանաբար դառնում է սպառողական վարկավորման ստանդարտ: Այնուամենայնիվ, պայմանները, սահմանաչափերն ու պահանջները կարող են տարբերվել: Ստորև ներկայացված են այն բանկերը, որտեղ կարելի է ձևակերպել արագ առցանց վարկ.

Inecobank՝ 1 CLICK առցանց վարկ

1. Փաստացի տոկոսադրույք՝ 17.26% – 19.66%
2. Գումար՝ մինչև 15,000,000 դրամ
3. Ժամկետ՝ մինչև 5 տարի

Հայտը ներկայացվում է հեռավար՝ Sprint հատուկ հարթակի միջոցով, որտեղ հաճախորդին հասանելի են բոլոր տեսակի վարկերը՝ արագ սպառողականից մինչև հիփոթեք: Կախված գումարի չափից՝ բանկը կարող է հայցել եկամուտների հաստատում:

Converse Bank՝ SNAP

1. Փաստացի տոկոսադրույք՝ 16.7% – 24%
2. Գումար՝ մինչև 10,000,000 դրամ
3. Ժամկետ՝ մինչև 3 տարի

Հարմար է կարճաժամկետ փոխառությունների համար: Վերջնական տոկոսադրույքը որոշվում է անհատապես:

VTB Bank (Armenia)՝ Առցանց վարկ

1. Փաստացի տոկոսադրույք՝ 18.51% – 23.9%
2. Գումար՝ մինչև 10,000,000 դրամ
3. Ժամկետ՝ մինչև 5 տարի

Հայտի հեռավար ներկայացում բանկի առցանց ուղիներով:

Evocabank՝ Action

1. Փաստացի տոկոսադրույք՝ 19.58% – 23.79%
2. Գումար՝ մինչև 10,000,000 դրամ
3. Ժամկետ՝ մինչև 5 տարի

Հայտը կարելի է ներկայացնել միայն բանկի հավելվածով, տոկոսադրույքը կախված է վարկառուի պրոֆիլից:

Acba Bank՝ Առցանց սպառողական վարկ

1. Փաստացի տոկոսադրույք՝ 20.64% – 23.97%
2. Գումար՝ մինչև 10,000,000 դրամ
3. Ժամկետ՝ մինչև 5 տարի

Հեռավար հայտ բանկի թվային ծառայությունների միջոցով:

Ameriabank՝ Սպառողական վարկ

1. Փաստացի տոկոսադրույք՝ 22.2% – 23.09%
2. Գումար՝ մինչև 20,000,000 դրամ
3. Ժամկետ՝ մինչև 5 տարի

Ներկայացված առցանց ծրագրերի մեջ ամենաբարձր սահմանաչափն է:

Armeconombank՝ Online վարկ

1. Փաստացի տոկոսադրույք՝ 23.75%
2. Գումար՝ մինչև 3,000,000 դրամ
3. Ժամկետ՝ մինչև 3 տարի

Ծրագիրը նախատեսված է փոքր գումարների համար:

IDBank՝ Rocket Line

1. Փաստացի տոկոսադրույք՝ 24%
2. Գումար՝ մինչև 10,000,000 դրամ
3. Ժամկետ՝ մինչև 5 տարի

Առցանց վարկային գիծ՝ հեռավար ձևակերպմամբ:

Առցանց վարկեր ոչ ռեզիդենտների համար

Եթե դուք ՀՀ ռեզիդենտ չեք, առցանց վարկերի ընտրությունը զգալիորեն ավելի նեղ է: 2026 թվականի փետրվարի դրությամբ հեռավար ձևակերպումը հասանելի է միայն երկու բանկում՝ AMIO Bank և Inecobank: Մնացած դեպքերում առցանց վարկերը տրամադրվում են բացառապես ռեզիդենտներին:

Սա նշանակում է, որ ոչ ռեզիդենտը չի կարող ընտրել ցանկացած բանկ այս ցուցակից: Նախ պետք է ստուգել՝ արդյոք ծրագիրը համապատասխանում է ձեր կարգավիճակին:

Ձևակերպման համար կարող են պահանջվել.

1. անձը հաստատող փաստաթուղթ,
2. հաշվառում Հայաստանում,
3. աշխատանքային պայմանագիր,
4. եկամուտների հաստատում:

Բանկն իրավունք ունի իրականացնել լրացուցիչ ստուգում և պահանջել փաստաթղթեր, նույնիսկ եթե հայտը ներկայացվում է առցանց: Որքան բարձր է վարկի գումարը, այնքան մեծ է նման ստուգման հավանականությունը:

Առցանց վարկի ստացման գործընթացը. քայլ առ քայլ հրահանգ

Գումարը հնարավորինս արագ ստանալու համար հետևեք այս քայլերին.

1. Ընտրեք այն բանկը, որտեղ արդեն սպասարկվում եք:
2. Ներկայացրեք հայտը բջջային հավելվածի միջոցով:
3. Լրացրեք հարցաշարը առանց սխալների:
4. Սպասեք որոշմանը:
5. Ստորագրեք պայմանագիրը էլեկտրոնային եղանակով:
6. Ստացեք գումարը ձեր քարտին:

Դեպքերի մեծ մասում ամբողջ գործընթացը տևում է 15 րոպեից մինչև մեկ աշխատանքային օր:

Ի՞նչը կարող է դանդաղեցնել հաստատումը

Նույնիսկ առցանց վարկը կարող է ակնթարթորեն չհաստատվել, եթե.

1. առկա են ժամկետանց պարտավորություններ,
2. առկա է բարձր պարտքային բեռ,
3. հարցաշարը սխալ է լրացված,
4. պահանջվում է լրացուցիչ ստուգում:

Գործընթացն արագացնելու համար խորհուրդ է տրվում հայտը ներկայացնել աշխատանքային ժամերին և օգտվել այն բանկից, որտեղ արդեն ունեք բացված հաշիվ:

Հաճախ տրվող հարցեր (FAQ)

Հնարավոր է արդյոք ստանալ առցանց վարկ նույն օրը

Այո՛: Եթե դուք արդեն բանկի հաճախորդ եք և հայտը ներկայացրել եք աշխատանքային ժամերին, միջոցները կարող են փոխանցվել հենց դիմելու օրը:

Արդյո՞ք անհրաժեշտ է այցելել բանկի գրասենյակ

Դեպքերի մեծ մասում՝ ոչ: Առցանց վարկերը ձևակերպվում են հեռավար տարբերակով՝ բանկի բջջային հավելվածի կամ կայքի միջոցով:

Ո՞րն է առցանց վարկի առավելագույն ժամկետը

Մինչև 5 տարի՝ կախված բանկից:

Ո՞րն է առցանց վարկերի նվազագույն տոկոսադրույքը

2026 թվականի փետրվարի դրությամբ՝ 16%-ից սկսած:

Հասանելի՞ են արդյոք առցանց վարկերը ոչ ռեզիդենտներին

Այո՛, բայց միայն առանձին բանկերում: Այս պահին ոչ ռեզիդենտների համար հեռավար ծրագրեր առաջարկում են AMIO Bank-ը և Inecobank-ը:

Ամփոփում

Արագ առցանց վարկը Հայաստանում առանց բանկ այցելելու գումար ստանալու ամենաօպերատիվ միջոցներից մեկն է։

1. 2026 թվականին հեռավար ծրագրեր են առաջարկում 17 բանկերից 8-ը։
2. Նվազագույն փաստացի տոկոսադրույքը սկսվում է 16%-ից։
3. Առավելագույն գումարը հասնում է 20,000,000 դրամի։
4. Միջինում գումարը կարելի է ստանալ մեկ աշխատանքային օրվա ընթացքում, իսկ տվյալ բանկի հաճախորդ լինելու դեպքում՝ նույնիսկ հայտի ներկայացման օրը։

Առցանց ձևաչափը խնայում է ամենակարևորը՝ ժամանակը։ Սակայն արագությունն ուղղակիորեն կախված է ձեր իրավիճակից.

1. արդյո՞ք կան ժամկետանց պարտավորություններ,
2. որքա՞ն բարձր է պարտքային բեռը,
3. արդյո՞ք արդեն սպասարկվում եք ընտրված բանկում։

Երբ ժամանակը վճռորոշ է, բանկի ճիշտ ընտրությունը կարող է խնայել ոչ միայն տոկոսները, այլև սպասման մի ամբողջ օր։ Հետևաբար, կարևոր է ավելորդ ժամեր չվատնել պայմանների ինքնուրույն համեմատության վրա։

AFM-ի միջոցով դուք կարող եք մի քանի րոպեում տեսնել բոլոր հասանելի առցանց ծրագրերը, ստուգել՝ արդյոք վարկը համապատասխանում է ձեր կարգավիճակին (ռեզիդենտ կամ ոչ ռեզիդենտ), և անցնել հայտի ներկայացմանը։