AFM-ը դարձել է imID-ի գործընկերը. ֆինանսական հայտերն այժմ անցնում են վավերացված թվային նույնականացում
Armenian Financial Marketplace-ն (AFM.am) առաջինն է, որ բանկային պրոդուկտի ընտրությունը կապում է օգտատիրոջ հաստատված թվային ինքնության հետ՝ բանկերի համար բարձրացնելով մուտքային հայտերի որակը, իսկ հաճախորդների համար արագացնելով համեմատությունից մինչև հայտի ներկայացում ընկած ճանապարհը:
Armenian Financial Marketplace-ը համագործակցություն է սկսել imID-ի՝ իրավաբանական ուժ ունեցող թվային նույնականացման հայկական համակարգի հետ: Այժմ օգտատերը հաստատում է իր ինքնությունը հենց ֆինանսական պրոդուկտի հայտի ներկայացման պահին՝ մեկ հպումով, առանց գաղտնաբառերի, ձևաթղթերի և տվյալների երկար մուտքագրման:
Շուկայի համար սա մեծ փոփոխություն է: Մինչ օրս բանկերը ստանում էին միայն «սառը» հայտեր, որոնց հետևում կանգնած անձերի ինքնությունը դեռ պետք էր ստուգել: AFM-ը փոխում է սա. հայտը բանկ է հասնում արդեն իսկ imID-ի միջոցով վավերացված օգտատիրոջ նույնականացմամբ: Բանկն անմիջապես ստանում է շահագրգռված հաճախորդի, ում հետ կարող է միանգամից սկսել աշխատանքը:
Ի՞նչ է սա տալիս գործընկեր բանկին
- Հայտերի հոսքի ավելի բարձր որակ
Հայտին կից ներկայացվում է վավերացված ինքնությունը, այլ ոչ թե ինքնուրույն մուտքագրված տվյալներ, որոնք դեռ կարիք ունեն լրացուցիչ ստուգման։
- Հայտերի մշակման ավելի կարճ ճանապարհ
Նույնականացման փուլում մերժումների քանակի կրճատումը բերում է ավելի շատ հայտեր, որոնք հասնում են մինչև պրոդուկտի ձեռքբերում։
- Կառավարելի թվային հարթակ
imID-ն աշխատում է բազմագործոն վավերացման և առաջադեմ կոդավորման հիման վրա. նույնականացումն անցնում է օգտատիրոջ հսկողության ներքո և նրա հստակ համաձայնությամբ, ինչը նվազեցնում է գործառնական և համապատասխանության ռիսկերը բանկի կողմից։
Ի՞նչ է սա տալիս օգտատիրոջը
imID-ն թույլ է տալիս հաստատել ինքնությունը և կիսվել ստուգված տվյալներով (անուն, հեռախոսահամար) ընդամենը մեկ հպումով՝ հեռախոսից, առանց գաղտնաբառերի և թղթաբանական քաշքշուկների։ AFM-ում պրոդուկտների համեմատությունից մինչև բանկ ճանապարհն անցնում է առանց ընդհատումների՝ ընտրում եք պրոդուկտը, imID-ի միջոցով հաստատում ինքնությունը, ուղարկում հայտը և ստանում պատասխանը։
Ի՞նչ է սա նշանակում Հայաստանի շուկայի համար
AFM-ն առաջինն է հայաստանյան շուկայում, որ ֆինանսական պրոդուկտների համեմատությունը կապում է իրավաբանական ուժ ունեցող թվային նույնականացման հետ։ Սա բանկային պրոդուկտների առցանց ձևակերպումը բարձրացնում է հասուն ֆինտեխ շուկայի մակարդակի, որտեղ ինքնությունը հաստատվում է ոչ թե ձեռքով, այլ վստահելի ենթակառուցվածքների միջոցով։
«Մարկետփլեյսը բանկի համար արժեքավոր է ոչ թե թրաֆիքով, այլ հայտերի որակով և ծավալով: imID-ի հետ ինտեգրումն օգնում է, որ բանկն AFM-ից ստանա ոչ թե պարզապես հետաքրքրված օգտատերերի ցանկ, այլ վավերացված ինքնությամբ հայտեր՝ պատրաստի մշակման համար: Մենք կրճատում ենք հաճախորդի մտադրության և բանկի որոշման միջև եղած հեռավորությունը: Ֆինանսական մարկետփլեյսի զարգացման հաջորդ փուլը ոչ թե ավելի շատ առաջարկներ ունենալն է, այլ ընտրությունից դեպի ներկայացված հայտ անցման ավելի բարձր որակը: Թվային ինքնությունը հենց այդ որակի հիմքն է»,- նշել է AFM-ի տեխնիկական տնօրեն Իվան Չեբանը:
«Մարդիկ ակնկալում են, որ թվային ծառայությունները կլինեն պարզ և ակնթարթային: Օգտատերերը չպետք է ստիպված լինեն բազմիցս մուտքագրել տվյալներ, հիշել գաղտնաբառեր կամ անցնել նույնականացման լրացուցիչ փուլեր այն դեպքում, երբ արդեն գոյություն ունի ինքնության հաստատման վստահելի ենթակառուցվածք: AFM-ի հետ համատեղ մենք հաճախորդի ճանապարհին ինքնության հաստատումը դարձնում ենք գրեթե աննկատ՝ ապահով, իրավաբանական ուժով օժտված և իրականացվող ընդամենը մեկ փոխգործակցությամբ»,- ասել է imID-ի պրոդուկտի և մարքեթինգի գծով տնօրեն Արմեն Ա. Ավագյանը:
AFM-ը շարունակում է զարգացնել թվային հայտերի իր ենթակառուցվածքը, որպեսզի Հայաստանում օգտատերերը կարողանան առցանց գտնել, համեմատել և դիմել ֆինանսական պրոդուկտների համար, իսկ բանկերը ստանան որակապես նոր մակարդակի հայտեր:
Հեղինակ
Սաթի ԱվագյանԱղբյուր
AFMԹեմա