AFM-ի թիմը բացահայտել է՝ բանկերի մեծ մասը չի թարմացրել սակագները 2% քեշբեքի ծրագրի մեկնարկից մեկ ամիս անց
2% քեշբեքի ծրագրի մեկնարկից մեկ ամիս անց Հայաստանի բանկերի մեծ մասը իրենց պաշտոնական կայքերում չեն հրապարակել թարմացված սակագները։ Այս մասին են վկայում AFM թիմի կողմից իրականացված մոնիթորինգի արդյունքները։
Այս պահի դրությամբ թարմացված սակագնային փաստաթղթերը տեղադրել են միայն․
- Inecobank-ը
- Byblos Bank Armenia-ն
Մնացած բանկերը կամ շարունակում են օգտագործել նախկին սակագները, կամ հրապարակայնորեն հասանելի փաստաթղթերում չեն թարմացրել քեշբեքի ծրագրի հետ կապված փոփոխությունները։
Խոսքը վերաբերում է անկանխիկ վճարումների խթանման ծրագրին, որի շրջանակում ArCa բանկային քարտերով կատարված վճարումների դեպքում տրամադրվում է մինչև 2% քեշբեք։ Ծրագիրը համակարգվում է ՀՀ Կենտրոնական բանկի կողմից և նպատակ ունի նվազեցնել կանխիկ շրջանառությունը, բարձրացնել վճարումների թափանցիկությունը և զարգացնել անկանխիկ տնտեսությունը։
Թարմացված սակագների բացակայությունը բարդացնում է հաճախորդների սպասարկման փաստացի պայմանների գնահատումը և անկանխիկ հաշվարկների դեպքում միջնորդավճարների ճիշտ համեմատությունը՝ նոր ծրագրի պայմաններում։
AFM-ը շարունակում է բանկերի պաշտոնական կայքերի մոնիթորինգը և կթարմացնի տեղեկատվությունը նոր սակագների հրապարակմանը զուգընթաց։
Հեղինակ
Ռոման ԳալստյանԱղբյուր
AFMԹեմա
Բջջային օպերատորների ծառայությունների վճարումը կրկին հասանելի է Idram-ում
Հայաստանում կնվազեցվեն ջերմոցների և կաթիլային ոռոգման համակարգերի կառուցման տուրքերը
Ucom, Team Telecom և Viva ծառայությունների վճարումը կրկին հասանելի է easywallet-ի և EasyPay ցանցի միջոցով
Տարեկան գնաճը Հայաստանում 2026թ. մարտին արագացել է մինչև 4,5%. հիմնական դրայվերը սննդամթերքի թանկացումն է
Հայաստանի արտարժութային շուկան կայունացել է. դրամը պահպանում է վոլատիլության նվազագույն մակարդակը
