Հայաստանի բանկերում սպասարկվում է 5,5 մլն հաճախորդ. տարեկան աճը գերազանցել է 10%-ը

Ըստ Հայաստանի Վիճակագրական կոմիտեի տվյալների՝ 2025 թվականի դեկտեմբերի դրությամբ երկրի առևտրային բանկերում սպասարկվել է 5 499 418 հաճախորդ: Դա 532 360-ով ավելի է, քան նախորդ տարի, ինչը համապատասխանում է 10,7% աճի:

Հաճախորդների հիմնական մասը ֆիզիկական անձինք են.

1. 5 269 090 ֆիզիկական անձինք
2. 230 328 իրավաբանական անձինք

Զուգահեռաբար աճում է նաև բանկային հաշիվների քանակը: 2025թ. դեկտեմբերի դրությամբ դրանց ընդհանուր թիվը հասել է 11 890 633-ի՝ տարվա ընթացքում ավելանալով 1 224 655-ով կամ 11,5%-ով:

Հաշիվների կառուցվածքն ունի հետևյալ տեսքը.

1. 11 438 969-ը ֆիզիկական անձանց հաշիվներ են
2. 451 664-ը իրավաբանական անձանց հաշիվներ են

Հաճախորդների և հաշիվների թվի աճն արտացոլում է բնակչության ֆինանսական ակտիվության բարձրացումը, թվային ծառայությունների և առցանց բանկինգի զարգացումը: Այս դինամիկան մատնանշում է նաև կանխիկ գործարքների մասնաբաժնի աստիճանական նվազումը և անցումը դեպի առավել թափանցիկ ֆինանսական համակարգ: