ԿԲ-ն մարտի 1-ից նվազեցնում է բիզնեսի անկանխիկ վճարումների միջնորդավճարների առավելագույն շեմը

Կենտրոնական բանկը սահմանափակում և նվազեցնում է բիզնեսից գանձվող միջնորդավճարները՝ անկանխիկ վճարումների դեպքում։

Մարտի 1-ից առավելագույն միջնորդավճարը կկազմի․

• 0,5%՝ ArCa քարտերի դեպքում

• 0,9%՝ միջազգային քարտերի դեպքում։

Որոշումն ընդունվել է գործարարների դժգոհությունների հիման վրա։ Նրանց խոսքով՝ ներկայում գործող 1-4% միջնորդավճարները խոչընդոտում են անկանխիկ առևտրի զարգացմանը։

Կենտրոնական բանկի գնահատմամբ՝ այս քայլը բանկային համակարգին կարժենա շուրջ 2 մլրդ ՀՀ դրամ (մոտ 5 մլն ԱՄՆ դոլար), սակայն կնվազեցնի բիզնեսի ֆինանսական բեռը և կնպաստի անկանխիկ վճարումների տարածմանը։