Միջազգային ֆինանսական կորպորացիան սկսել է Հայաստանում ֆինանսական հասանելիության բարձրացմանն ուղղված ծրագիրը

Միջազգային ֆինանսական կորպորացիան (IFC) սկսել է Հայաստանում ֆինանսական հասանելիության բարձրացման և կլիմայական նախագծերի աջակցության ուղղված ծրագրի իրականացում

Ծրագիրը նպատակ ունի աջակցելու փոքր բիզնեսներին, կին ձեռներեցներին, ինչպես նաև գյուղատնտեսական և կլիմայական նախագծերին:

Այս պահին ծրագրին մասնակցում են երեք հայկական բանկեր՝ Acba Bank, Converse Bank և Evocabank: Առաջին երկու բանկերը մասնակցում են բիզնեսում առկա ռիսկերի բաշխման մեխանիզմների իրականացման ուղղությամբ: Evocabank-ն ընդլայնում է իր համագործակցությունը IFC-ի հետ՝ կին ձեռներեցներին պատկանող փոքր բիզնեսների և կլիմայական խնդիրներին նվիրված ստարտափերի ֆինանսավորման հարցում:

Acba Bank-ը ստացել է IFC-ից 25 միլիոն դոլար, Evocabank-ը՝ 10 միլիոն դոլար, իսկ Converse Bank-ը՝ 5 միլիոն դոլար: Բոլոր միջոցները ուղղվելու են միկրո և փոքր ձեռներեցների վարկերի վերաֆինանսավորմանը:

Ի՞նչ է սա նշանակում և ի՞նչ հեռանկարներ է բացում Հայաստանի համար

Հայկական բանկերը, որոնք համագործակցում են IFC-ի հետ, կկարողանան ստանալ աջակցություն ստարտափերի իրականացման համար: Սա դրական ազդեցություն կարող է ունենալ երկրի միկրո և փոքր բիզնեսների զարգացման վրա՝ աջակցելով կին ձեռներեցներին: Ծրագրին մասնակցող բանկերը կարող են փոքր ձեռներեցներին առաջարկել ավելի շատ հնարավորություններ իրենց բիզնեսը սկսելու համար:

Հայաստանում փոքր բիզնեսը շատ տարածված է, իսկ հեռավոր շրջաններում այն հաճախ եկամտի միակ աղբյուրն է: Չնայած փոքր ձեռներեցների մեծ թվին, նման բիզնեսը պահպանելը բավականին դժվար է պետական աջակցության բացակայության և բարձր հարկերի պատճառով: Միևնույն ժամանակ բազմաթիվ կանայք Հայաստանում բացում են միկրոբիզնեսներ տեղական գյուղատնտեսական արտադրանքի ոլորտում:

Մենք կարծում ենք, որ IFC-ի և հայկական բանկերի համատեղ նախաձեռնությունը բացում է մեծ հեռանկարներ ձեռներեցների, հատկապես կանանց համար՝ իրենց բիզնեսը պահպանելու և երկարաժամկետ առումով զարգացնելու նպատակով: Բացառիկ ծրագրի շնորհիվ, փոքր բիզնեսի ֆինանսավորման ընդլայնման և ռիսկերի նվազեցման միջոցով հնարավոր է ներգրավել ավելի շատ ձեռներեցների, ինչը դրական կազդի Հայաստանի բիզնես միջավայրի զարգացման վրա:

Ռեգինա Մելիքյան