Ցանկանու՞մ եք հասկանալ, թե որքան հավելյալ գումար եք վճարելու, եթե հիփոթեքային վարկ վերցնեք։ Ձեզ օգնության կգա հիփոթեքային հաշվիչը՝ պարզ առցանց գործիք, որը վայրկյանների ընթացքում կհաշվարկի ձեր ամսական վճարը, ընդհանուր գերավճարը և բնակարանի վերջնական արժեքը։ Այս հոդվածում կբացատրենք, թե ինչպես է աշխատում հաշվիչը, կվերլուծենք օրինակներ և կբացահայտենք, թե ինչպես կարելի է խնայել միլիոններ։

Ի՞նչ է հիփոթեքային հաշվիչը

Հիփոթեքային հաշվիչը առցանց ծառայություն է, որը օգնում է հաշվարկել՝

1. Ամսական վճարի չափը
2. Վարկի ընդհանուր գերավճարը
3. Ընդհանուր գումարը, որ պետք է մարել բանկին

Հաշվիչի օգնությամբ կարող եք նախապես գնահատել՝ արդյոք տվյալ հիփոթեքային ծրագիրը ձեր հնարավորությունների սահմաններում է։ Թեև ինտերնետում առկա հաշվիչները որոշ չափով տարբերվում են բանկերի կողմից օգտագործվողներից, դրանց աշխատանքի տրամաբանությունը մոտավորապես նույնն է։ Դրա շնորհիվ կարող եք բավականին ճշգրիտ գնահատել ձեր ապագա հիփոթեքի արժեքը։

Կարևոր է` հաշվիչը չի պահանջում անձնագրային տվյալների մուտքագրում և որևէ կերպ չի ազդում ձեր վարկային պատմության վրա։ Այն նախատեսված է նախնական գնահատման համար, ուստի երբեք մի մուտքագրեք անձնական տվյալներ ոչ վստահելի կայքերում։

Ինչպես է աշխատում հիփոթեքային հաշվիչը

Հիփոթեքային հաշվիչը գործիք է, որը նախապես օգնում է հասկանալ, թե որքան եք ամսական վճարելու բնակարանի դիմաց և ինչքան է կազմելու վարկի գերավճարը։ Օրինակ մեր հաշվիչի միջոցով կարելի է հասկանալ հաշվարկի ողջ տրամաբանությունը, որն ընդհանուր առմամբ համընկնում է հայաստանյան բանկերի հաշվիչների աշխատանքի սկզբունքին։

Ի՞նչ տվյալներ են մուտքագրվում

1. Անշարժ գույքի արժեքը․ օրինակ՝ 25 000 000 ՀՀ դրամ (Երևանում 2-սենյականոց բնակարանի միջին արժեքը 2025թ․)
2. Սկզբնական վճար․ օրինակ՝ 20% (5 000 000 ՀՀ դրամ)
3. Վարկի ժամկետ․ 5-ից 30 տարի
4. Գույքի տեսակ․ Հայաստանում դա կարող է լինել նորակառույց, երկրորդային շուկայի բնակարան կամ առանձնատուն
5. Վարկառուի կամ համավարկառուի եկամուտը — ամսական եկամուտ, որը պետք է՝ գնահատելու վարկային բեռը
6. Քաղաք կամ մարզ․ կարող է ազդել պետական աջակցության ծրագրերին մասնակցելու հնարավորության վրա (օրինակ՝ սահմանամերձ համայնքներ կամ զինծառայողների ընտանիքներ)

Ի՞նչ է ցույց տալիս հաշվիչը

Վերջնական արդյունքներով դուք միանգամից տեսնում եք՝

1. Վարկի գումարը (գույքի արժեքը մինուս կանխավճար)
2. Վարկի տոկոսադրույքը (կախված է ծրագրից՝ կոմերցիոն թե պետական սուբսիդավորմամբ)
3. Ամսական վճարը (անուիտետային՝ նույն չափով ամեն ամիս)
4. Ընդհանուր գերավճարը՝ այն գումարը, որը կվճարեք վարկի գումարին զուգահեռ
5. Վարկի վերջնական գումարը՝ այն, ինչ ամբողջությամբ կվերադարձնեք բանկին վարկի ողջ ընթացքում

Բացի այդ, հաշվիչը կարող է հուշել՝

1. Հարմար պետական աջակցության ծրագրեր
2. Անհրաժեշտ եկամտի մակարդակ՝ վարկի հաստատման համար
3. Նախաժամկետ մարելու հնարավորությունը

Հաշվարկի օրինակ․

Դուք ցանկանում եք գնել բնակարան 25 000 000 ՀՀ դրամով։ Վճարում եք 20% (5 000 000), վերցնում եք հիփոթեք 20 տարով։

Տարբերակ 1․ Կոմերցիոն տոկոսադրույք (10.5%)

1. Վարկի գումարը 20 000 000 ՀՀ դրամ
2. Տոկոսադրույքը 10.5%
3. Ամսական վճարը ≈ 199 000 ՀՀ դրամ
4. Գերավճարը ≈ 27 760 000 ՀՀ դրամ
5. Վերջնական գումարը ≈ 47 760 000 ՀՀ դրամ

Տարբերակ 2․ Պետական ծրագիր երիտասարդ ընտանիքների համար (4%)

1. Տոկոսադրույք՝ 4%
2. Ամսական վճար ≈ 121 200 ՀՀ դրամ
3. Գերավճար ≈ 9 088 000 ՀՀ դրամ
4. Վերջնական գումար ≈ 29 088 000 ՀՀ դրամ

Տարբերակ 3․ Զինծառայողների համար նախատեսված հիփոթեք (0%)

1. Ամսական վճար ≈ 83 333 ՀՀ դրամ
2. Գեարավճարը՝ 0 ՀՀ դրամ
3. Վերջնական գումարը՝ 20 000 000 ՀՀ դրամ

Եզրակացություն

Հաշվիչը ոչ միայն օգնում է հաշվարկել ամսական վճարը, այլ նաև համեմատել տարբեր ծրագրերը։ Այն ցույց է տալիս, որ գերավճարները կարող են տարբեր լինել տասնյակ միլիոն դրամներով՝ կախված ծրագրի պայմաններից։ Թե Հայաստանում հիփոթեքի համար որքան կանխավճար է անհրաժեշտ՝ կարող եք իմանալ AFM հարթակում։

Որքա՞ն է գերավճարը Հայաստանում հիփոթեքով բնակարան գնելու դեպքում 2025 թվականին

Որպեսզի պատկերացնենք հիփոթեքի իրական արժեքը առանց պետական ծրագրերին մասնակցելու, վերցրել ենք երեք արդիական առաջարկ հայաստանյան բանկերից։ Հաշվարկը կատարվել է ստանդարտ իրավիճակի համար՝ վարկի գումար՝ 20 000 000 ՀՀ դրամ, միջին ժամկետ՝ 10–15 տարի, և տոկոսադրույք, առանց սուբսիդավորման։

Ձևավորված է հետևյալ աղյուսակը՝ ըստ ամսական վճարումների և ընդհանուր գերավճարի հաշվարկի։

Հաշվարկի աղյուսակ

Եզրակացություն

Հայաստանում հիփոթեք վերցնող միջին վարկառուն, եթե չի օգտվում պետական աջակցությունից, միջին հաշվով վճարում է գերավճար՝ շուրջ 21 080 596 ՀՀ դրամ 20 միլիոն դրամ վարկի դիմաց։ Սա ևս մեկ անգամ ընդգծում է՝ կարևոր է նախապես համեմատել պայմանները և ընտրել ամենաշահավետ տարբերակը։

Ինչպես է աշխատում AFM-ի հիփոթեքային հաշվիչը

AFM-ի հիփոթեքային հաշվիչը գործում է արհեստական բանականության հիմքով, ուստի հաշվում է ոչ միայն վարկի գումարի և ժամկետի հիման վրա, այլ նաև՝ հաշվի է առնում բոլոր բանկերի գործող տոկոսադրույքներն ու սակագները Հայաստանում, ինչպես նաև՝ բոլոր հավելյալ վճարներն ու միջնորդավճարները։

Այս ամենը թույլ է տալիս ստանալ առավել ճշգրիտ հաշվարկ և տեսնել վարկի ամբողջական արժեքը։

Ձեր ապագա հիփոթեքի ամսական վճարներն իմանալու համար, պարզապես մտեք AFM-ի չատ և գրեք ձեր հարցը պարզ ձևակերպմամբ, օրինակ՝

«Ի՞նչ կլինի իմ ամսավճսրները, եթե վերցնեմ հիփոթեք Ineco բանկում երիտասարդ ընտանիքների համար նախատեսված ծրագրով 20 տարով, 15% կանխավճարով»։

Չատ-օգնականը անմիջապես կտա ամբողջական տեղեկատվություն ձեր վարկի վերաբերյալ։

Եզրակացություն

Հիփոթեքային հաշվիչը պարզ, բայց հզոր գործիք է, որը օգնում է նախապես գնահատել ձեր ֆինանսական պարտավորությունները բանկի նկատմամբ։ Այն ցույց է տալիս՝

1. Ինչքան եք վճարելու ամսական
2. Որքա՞ն գերավճար կկատարեք ամբողջ ժամկետի ընթացքում
3. Որո՞նք են ձեզ հասանելի հիփոթեքային ծրագրերը

Իրական օրինակներն ապացուցում են՝ գերավճարը կարող է տարբեր լինել տասնյակ միլիոն դրամներով, կախված տոկոսադրույքից, ժամկետից և պետական ծրագրերին մասնակցությունից։

Օրինակ՝ եթե վերցնեք սովորական հիփոթեք առանց սուբսիդավորման, 20 000 000 ՀՀ դրամ վարկի դեպքում միջին գերավճարը կլինի շուրջ 21 080 596 ՀՀ դրամ։

Իսկ եթե օգտվեք 0% տոկոսադրույքով պետական ծրագրից, գերավճար ընդհանրապես չի լինի։

Ինչպե՞ս խուսափել գերավճարից

1. Համեմատեք բանկերի առաջարկները․ տարբերությունը կարող է լինել զգալի
2. Օգտվեք պետական աջակցման ծրագրերից, եթե համապատասխանում եք պայմաններին
3. Վճարեք հնարավորինս բարձր կանխավճար՝ վարկի գոմարը նվազեցնելու համար
4. Մարեք վարկը վաղաժամկետ, հնարավորության դեպքում՝ մասնակի․ դա կքչացնի ընդհանուր գերավճարը

Համեմատեք առաջարկները AFM-ի «Հիփոթեք» բաժնում և օգտվե՛ք AFM-ի հիփոթեքային հաշվիչից, որպեսզի ստանաք ձեր վարկի առավել ճշգրիտ հաշվարկը և ճիշտ որոշում կայացնեք։